6 jun 2012

Pilar Rojo reinvindica o concurso escolar do Parlamento para fomentar o interese dos máis novos pola institución

·        Dentro de obxectivo de “abrir as portas” da primeira institución de Galicia, destaca tamén as visitas guiadas e marca como obxectivo que todos os escolares galegos visiten o Parlamento polo menos unha vez durante a escolarización obrigatoria

·       
A presidenta da Cámara destaca a creatividade, espírito crítico e capacidade de análise dos traballos presentados ao concurso

·       
Pilar Rojo anima aos escolares aproveitar a súa etapa formativa, dado que “o esforzo é a única fórmula capaz de conducirvos ao éxito persoal e profesional; porque non hai atallos nin fórmulas máxicas máis aló do esforzo, o estudo e o traballo constante”


Santiago, 6 de xuño de 2012.- O Salón dos Reis do Parlamento de Galicia acolleu esta mañá o acto de entrega de premios aos gañadores e finalistas da segunda edición do Concurso Escolar: “O parlamento de Galicia: a túa casa. A casa de todos os galegos e as galegas”. A presidenta do Parlamento, Pilar Rojo, membros da Mesa  da Cámara e outros deputados foron os encargados de entregar os premios aos alumnos e alumnas dos centros participantes.

Na súa intervención, Pilar Rojo reivindicou o espírito que anima o concurso escolar do Parlamento de Galicia, que acada xa a súa segunda edición: “espertar o interese dos máis novos polo que aquí facemos e polo que significa o Parlamento como piar do noso sistema democrático”.

A presidenta do Parlamento subliñou que os escolares centran gran parte dos esforzos de divulgación da Cámara galega dada a importancia de que coñezan  a primeira institución de Galicia.  Por iso, o Parlamento potencia iniciativas como o programa de visitas guiadas, do que destacou como obxectivo que ao remate da escolarización obrigatoria, todos os estudantes galegos teñan visitado, polo menos nunha ocasión, a sede lexislativa autonómica.

Espírito crítico

A presidenta da Cámara quixo resaltar a calidade dos orixinais recibidos nesta segunda edición do concurso escolar do Parlamento e, sobre todo, a súa creatividade, feito que pon de manifesto un “espírito crítico, capacidade de análise, de esforzo e de traballo  de todos” os participantes.

Pilar Rojo quixo tamén agradecer aos 606 alumnos participantes nas diferentes modalidades e aos profesores coordinadores dos traballos a súa implicación con esta iniciativa. E, dirixíndose aos nenos e nenas que acudiron ao acto de  entrega dos premios, animounos a aproveitar esta etapa vital para “acadar unha formación de calidade que vos permita afrontar o futuro con garantías”.

Para a presidenta do Parlamento, “o esforzo é a única fórmula capaz de conducirvos ao éxito persoal e profesional. Porque non hai atallos nin fórmulas máxicas máis aló do esforzo, o estudo e o traballo constante”.

Gañadores e finalistas

Os participantes no Concurso Escolar do Parlamento de Galicia cursan estudos de educación infantil, primaria, secundaria e educación especial. Os gañadores na modalidade de debuxo/pintura están escolarizados no CEE PRÍNCIPE FELIPE, de Pontevedra. Estudantes do IES ANXEL FOLE, de Lugo, fixérono nas categorías de redacción e de expresión libre. Os alumnos finalistas cursan estudos no CPR A MERCED, de Sarria (Lugo); no IES EDUARDO BLANCO AMOR, de Culleredo (A Coruña) e no IES ILLA DE TAMBO, de Marín (Pontevedra)

Concurso de debuxo/pintura:

Alumnos/as do grupo gañador: Javier García Montojo, María Pereira Carpintero e Fátima Blanco Sarandeses(doc. núm. 80142.1)

-Clase: 4º B de 1º ciclo de educación especial
-Profesora que supervisou o traballo: Dª Susana Grandal Vizoso
-Centro educativo: CEE PRÍNCIPE FELIPE (Pontevedra)

Alumnos/as do grupo finalista: Iago Arias Felices, Xulia Díaz Barreal e María López Sánchez (doc. núm. 80766) (alumnos/as de 2º de educación primaria do CPR A MERCED de Sarria.Lugo)

Concurso de redacción:

Alumnos do grupo gañador: Gabriel Balea Martínez, Omar Campos Cascudo, Manuel Doel Carreira e Alejandro Martínez Ferreiro (doc. núm. 80932.6 )

- Clase: 2º C de ESO
- Profesor que supervisou o traballo do: D. Xosé Graña Núñez
- Centro educativo:  IES ANXEL FOLE (Lugo)

Alumnos/as do grupo finalista: Celia Acción de la Iglesia, Pablo Francos Sánchez e Facundo Teijeira Silva (doc. núm. 80848.3)( alumnos/as de 2º G de ESO do IES EDUARDO BLANCO AMOR de Culleredo. A Coruña)


Concurso de expresión libre:

Alumnas do grupo gañador:  Beatriz Calistre Fernández, Nerea Sangiao Espiño, Iria Mª Souto Grande, Rut Pena Iglesias e Mar Carmen Quintana Senín (doc. núm. 80932.4)

- Clase: 3º C  de ESO
- Profesor que supervisou o traballo: D.Vicente Gutiérrez Pascual
- Centro educativo: IES ÁNXEL FOLE (Lugo)

Alumnos do grupo finalista: Guillermo Rodríguez García e José Santiago Estévez (doc. núm. 80855.1)(alumnos/as de 4º A de ESO do IES ILLA DE TAMBO Marín. Pontevedra)

Premios

Cada un dos alumnos gañadores do concurso de debuxo e pintura recibiu unha consola, un xogo sobre a arte de pintar e un lote de libros. Os gañadores dos concursos de redacción e de expresión libre foron premiados cun ordenador portátil e un lote de libros.

A clase de cada grupo gañador será premiada cunha excursión de carácter educativo para visitar un lugar significativo de Galicia na data que decida o centro. Cada un dos profesores coordinadores dos traballos gañadores teñen como premio unha táboa dixital.

Ademais, os centros educativos dos equipos gañadores recibirán 2.000 euros para destinar á organización de actividades extraescolares ou actividades da biblioteca escolar.

Máis información en www.parlamentodegalicia.es



21 may 2012

Estudantes de Pontevedra e Lugo son os gañadores da segunda edición do Concurso Escolar do Parlamento de Galicia


606 alumnos pertencentes a 49 centros educativos participaron nas modalidades de debuxo/pintura, redacción e expresión libre

Alumnos do IES Anxel Fole de Lugo gañan en dúas categorías

• A entrega de premios celebrarase o vindeiro 6 de xuño


Santiago, 21 de maio de 2012.- O xurado do Concurso Escolar 2011-2012: “O parlamento de Galicia: a túa casa. A casa de todos os galegos e as galegas” acordou, por unanimidade, a concesión dos premios dos gañadores e finalistas nesta nova edición.

Os alumnos gañadores na modalidade de debuxo/pintura están escolarizados no CEE PRÍNCIPE FELIPE, de Pontevedra. Nas categorías de redacción e de expresión libre gañaron alumnos pertencentes ao IES ANXEL FOLE, de Lugo.  Os alumnos finalistas cursan estudos no CPR A MERCED, de Sarria (Lugo); no IES EDUARDO BLANCO AMOR, de Culleredo (A Coruña) e no IES ILLA DE TAMBO, de Marín (Pontevedra)

A entrega de premios terá lugar o vindeiro 6 de xuño no Parlamento de Galicia.


Gañadores e finalistas

Concurso de debuxo/pintura:

Alumnos/as do grupo gañador
: Javier García Montojo, María Pereira Carpintero e Fátima Blanco Sarandeses(doc. núm. 80142.1)
-Clase: 4º B de 1º ciclo de educación especial
-Profesora que supervisou o traballo: Dª Susana Grandal Vizoso
-Centro educativo:  CEE PRÍNCIPE FELIPE (Pontevedra)

Alumnos/as do grupo finalista: Iago Arias Felices, Xulia Díaz Barreal e María López Sánchez (doc. núm. 80766) (alumnos/as de 2º de educación primaria do CPR A MERCED de Sarria.Lugo)


Concurso de redacción:

Alumnos do grupo gañador: Gabriel Balea Martínez, Omar Campos Cascudo, Manuel Doel Carreira e Alejandro Martínez Ferreiro (doc. núm.80932.6 )
- Clase: 2º C de ESO
- Profesor que supervisou o traballo do: D. Xosé Graña Núñez
- Centro educativo:  IES ANXEL FOLE (Lugo)


Alumnos/as do grupo finalista: Celia Acción de la Iglesia, Pablo Francos Sánchez e Facundo Teijeira Silva (doc. núm.80848.3)( alumnos/as de 2º G de ESO do IES EDUARDO BLANCO AMOR de Culleredo. A Coruña)


Concurso de expresión libre:

Alumnas do grupo gañador:  Beatríz Calistre Fernández, Nerea Sangiao Espiño, Iria Mª Souto Grande, Rut Pena Iglesias e Mar Carmen Quintana Senín (doc. núm. 80932.4)
- Clase: 3º C  de ESO
- Profesor que supervisou o traballo: D.Vicente Gutiérrez Pascual
- Centro educativo: IES ÁNXEL FOLE (Lugo)

Alumnos do grupo finalista: Guillermo Rodríguez García e José Santiago Estévez (doc. núm.80855.1 - letra) (alumnos/as de 4º A de ESO do IES ILLA DE TAMBO Marín. Pontevedra)


Premios
Cada un dos alumnos gañadores do concurso de debuxo e pintura recibirá unha consola, un xogo sobre a arte de pintar e un lote de libros. Os gañadores dos concursos de redacción e de expresión libre serán premiados cun ordenador portátil e un lote de libros.

A clase de cada grupo gañador será premiada cunha excursión de carácter educativo para visitar un lugar significativo de Galicia na data que decida o centro. Cada un dos profesores coordinadores dos traballos gañadores terán como premio unha táboa dixital.

Ademais, os centros educativos dos equipos gañadores recibirán 2.000 euros para destinar á organización de actividades extraescolares ou actividades da biblioteca escolar.


Xurado institucional
O xurado encargado de seleccionar os traballos gañadores estivo presidido polo o vicepresidente primeiro da Cámara, Miguel Santalices Vieira; e tamén formaron parte del a presidenta da Comisión 4ª, Educación e Cultura, Marisol Piñeiro (por delegación da presidenta do Parlamento); o vicepresidente segundo, Francisco Cerviño González; a deputada Teresa Villaverde Pais (por delegación do secretario da Mesa do Parlamento, José Manuel Balseiro), a vicesecretaria da Mesa, Carme Adán Vilamarín; e o profesor Xosé Manuel Rosales Noves, designado pola presidenta do Parlamento na súa condición de docente.


9 may 2012

O Xurado do Concurso Escolar do Parlamento comeza a revisión dos traballos para elixir gañador entre os 606 alumnos participantes

• O fallo do xurado coñecerase dentro de dez días e os premios entregarase o vindeiro 4 de xuño

• Satisfacción no Parlamento pola elevada participación rexistrada

• A edición deste ano busca incentivar o traballo en equipo

 
Santiago, 5 de maio de 2012.- O xurado encargado de seleccionar os gañadores da presente edición do Concurso Escolar do Parlamento de Galicia comezou a revisión dos traballos elaborados por un total de 606 alumnos, pertencentes a 49 centros educativos.

A presidenta do Parlamento de Galicia, Pilar Rojo, expresa a súa satisfacción pola elevada participación rexistrada na actual edición. Entre as novidades desta convocatoria cabe salientar que só se pode presentar un traballo por clase e un máximo de cinco traballos por cada centro escolar, sendo o profesor, en colaboración co seu alumnado, o encargado de decidir o único traballo a enviar ao Parlamento de Galicia. As bases tamén esixen que os traballos sexan colectivos, elaborados por un mínino de dous e un máximo de cinco alumnos.

O fallo do xurado darase a coñecer dentro de dez días e a entrega dos premios terá lugar nun acto previsto para o vindeiro día 4 de xuño nas dependencias do Parlamento de Galicia.

A actual é a segunda edición do concurso escolar do Parlamento de Galicia, unha iniciativa que se enmarca na aposta da presidenta da Cámara, Pilar Rojo, por dar a coñecer a institución e os valores que o lexislativo representa.

Pilar Rojo considera esencial concienciar e involucrar aos rapaces galegos nos valores da democracia parlamentaria razón pola que as bases desta edición do concurso escolar requiren traballos colectivos, para estimular o traballo en equipo dos participantes.


Modalidades

O concurso escolar do Parlamento de Galicia estrutúrase en tres modalidades, aínda que todos os traballos deberán versar sobre o Parlamento de Galicia. As modalidades son as seguintes:

• Concurso de debuxo/pintura (todas as técnicas)
Dirixido ao alumnado de infantil, de 1.º, 2.º e 3.º de educación primaria e de educación especial.
Formato e soporte do traballo:
- Medida en DIN-A 3
- Papel e cartolina
- Collage
- Cómic

• Concurso de redacción
Dirixido ao alumnado de 4.º, 5.º e 6.º de primaria e 1.º e 2.º de secundaria. As redaccións serán manuscritas e terán unha extensión máxima dun folio.

• Concurso de expresión libre
Dirixido ao alumnado de 3.º e 4.º de secundaria. Valórase calquera tipo de expresión creativa como vídeo, fotografía, spot publicitario ou medio relacionado coas tecnoloxías da información, que poida ser inserido nunha páxina web. Non se admiten maquetas físicas.


 
Premios

En cada modalidade concédense dous premios: un primeiro premio para o grupo que resulte gañador, e un segundo premio ou premio finalista ao grupo que quede en segundo lugar.

Ademais concederase un premio á clase á que pertenza o grupo gañador, outro para o/a docente que coordinase o traballo do devandito grupo e outro ao centro educativo ao que pertenza ese grupo gañador.

Cada un dos alumnos gañadores do concurso de debuxo e pintura recibirá unha consola, un xogo sobre a arte de pintar e un lote de libros.

Os gañadores dos concursos de redacción e de expresión libre serán premiados cun ordenador portátil e un lote de libros.

A clase de cada grupo gañador será premiada cunha excursión de carácter educativo para visitar un lugar significativo de Galicia na data que decida o centro.

Cada un dos profesores coordinadores dos traballos gañadores terán como premio unha táboa dixital.

Ademais, os centros educativos dos equipos gañadores recibirán 2.000 euros para destinar á organización de actividades extraescolares ou actividades da biblioteca escolar.

Os grupos finalistas recibirá un MP4 e un lote de libros.

Xurado institucional

O Xurado encargado de seleccionar os traballos gañadores está presidido polo o vicepresidente primero da Cámara, Miguel Santalices Vieira; e tamén forman parte del a presidenta da Comisión 4ª, Educación e Cultura, Marisol Piñeiro (por delegación da presidenta do Parlamento); o vicepresidente segundo, Francisco Cerviño González; a deputada Teresa Villaverde Pais (por delegación do secretario da Mesa do Parlamento, José Manuel Balseiro), a vicesecretaria da Mesa, Carme Adán Vilamarín; e o profesor Xosé Manuel Rosales Noves, designado pola presidenta do Parlamento na súa condición de docente.
 
 

27 ene 2012

SOLICITUDE DE INSCRICIÓN II EDICIÓN



Anexo I
Solicitude de inscrición

D./D.ª ……………………………………………………………………..
Director/a do Centro……………………………………………….....
Domiciliado en………………………………………………………….
Localidad………………………, CP…………………., Tel.:  ………..

EXPÓN

Que coñece a convocatoria da II edición do concurso escolar baixo o lema «Parlamento de Galicia, a túa casa. A casa de todos os galegos e as galegas», correspondente ao curso académico 2011/2012.

Que comunica a participación nel dos grupos de alumnos que envía en lista axunta a este anexo (acompáñase a listaxe cos nomes dos alumnos que conforman o grupo, incluíndo o DNI de cada profesor ou titor responsable), e que, para tal efecto, declara que o número de alumnos participantes é de …….,  dos niveis …………………, cursos…………………….., dos que son profesores/as…………………………………………………, responsables deles, co obxecto de participar nas categorías …………………………………………………….

Polo que solicita participar no citado concurso e prestar a súa colaboración para o seu mellor desenvolvemento.
                                                           .........................., o … de …….. de …


                                                           Asdo.: …………………………………..

EXCMA. SRA. PRESIDENTA DO PARLAMENTO DE GALICIA

20 ene 2012

II EDICIÓN DO CONCURSO ESCOLAR «PARLAMENTO DE GALICIA, A TÚA CASA. A CASA DE TODOS OS GALEGOS E AS GALEGAS». BASES DA CONVOCATORIA


1. TEMA E ACEPTACIÓN DAS BASES
O Parlamento de Galicia convoca a II edición do concurso escolar baixo o lema «Parlamento de Galicia, a túa casa. A casa de todos os galegos e as galegas».
A participación no concurso supón a expresa aceptación, por parte dos participantes, destas bases e a autorización expresa dos menores participantes (de seus pais e nais ou titores legais) da cesión dos seus datos persoais, imaxe e cesión a terceiros e publicación dos seus traballos, o cal deberá facerse por escrito na documentación que se lle envíe á Cámara.
2.  REQUISITOS E CARACTERÍSTICAS DOS TRABALLOS
Os traballos terán que versar sobre o Parlamento de Galicia en todas as modalidades. O seu formato e soporte serán diferentes, en función dos niveis educativos.
Os traballos deberán ser colectivos e elaborados por un grupo de dous alumnos como mínimo e cinco como máximo. Cada alumno só poderá participar nun grupo e cada grupo presentará un único traballo.
Os traballos realizaranse baixo a orientación dun profesor ou profesora responsable. En consecuencia, o docente deseñará o traballo de referencia xuntamente co grupo ou os grupos de alumnos do curso, procurando a motivación do alumnado e fomentando a súa creatividade. De todos os traballos realizados será o propio docente, en colaboración cos seus alumnos, quen seleccione e decida cal é o único traballo que vai representar a súa clase para ser enviado ao Parlamento de Galicia. Cada centro educativo poderá enviar un máximo de cinco traballos por cada modalidade do concurso.
En xeral teranse en conta como criterios de valoración a creatividade e orixinalidade dos traballos realizados, a imaxinación, a dificultade e, sobre todo, a correcta e clara transmisión dunha mensaxe.
Resulta importante amosar o coñecemento que se posúe da institución parlamentaria, dentro do grao de madureza e do nivel da modalidade educativa na que se participe.
3. PARTICIPANTES
O concurso está dirixido a alumnos/as de educación infantil, primaria, secundaria e educación especial, segundo a modalidade de que se trate.
4. MODALIDADES
4.1. Concurso de debuxo/pintura (todas as técnicas)
Está dirixido ao alumnado de infantil, de 1.º, 2.º e 3.º de educación primaria e de educación especial.
Formato e soporte do traballo:
·         Medida en DIN-A 3
·         Papel e cartolina
·         Collage
·         Cómic
4.2. Concurso de redacción
Está dirixido ao alumnado de 4.º, 5.º e 6.º de primaria e 1.º e 2.º de secundaria. As redaccións serán manuscritas e terán unha extensión máxima dun folio.
4.3. Concurso de expresión libre
Está dirixido ao alumnado de 3.º e 4.º de secundaria. Valorarase calquera tipo de expresión creativa como vídeo, fotografía, spot publicitario ou medio relacionado coas tecnoloxías da información, que poida ser inserido nunha páxina web. Non se admitirán maquetas físicas.

5. INSCRICIÓN E PRESENTACIÓN DOS TRABALLOS
Os centros interesados en participar no concurso deberán facer a súa inscrición  antes do 10 de febreiro de 2012 mediante unha solicitude, segundo o modelo que figura no anexo I, dirixida á presidenta do Parlamento e enviándoa ao  correo electrónico  presidencia@parlamentodegalicia.es, na que se indiquen os nomes dos profesores e grupos que elaborarán os traballos, así como a aceptación do compromiso de facer as seleccións previas necesarias que lles permitan establecer cales son os traballos que presentará o centro ao concurso.
Os centros inscritos poderán solicitar calquera aclaración que consideren necesaria para o desenvolvemento do concurso, a través dese correo electrónico.
Os traballos, dirixidos á presidenta do Parlamento de Galicia, deberán levar unha etiqueta identificativa coa denominación «CONCURSO ESCOLAR», e presentaranse ou enviaranse por correo postal, antes do 13 de abril de 2012, no Rexistro do Parlamento de Galicia (rúa do Hórreo, 63, 15701-Santiago de Compostela).
Os orixinais irán acompañados dunha etiqueta polo reverso dos traballos, na que se incorporará e completará conforme se indica a continuación,  o seguinte texto:
«TRABALLO PRESENTADO NA MODALIDADE DE ..... EN REPRESENTACIÓN DO CURSO/AULA ..... DO CENTRO ESCOLAR ….., COORDINADO POLO/A PROFESOR/A ..... E ELABORADO POLO GRUPO DO QUE FORMAN PARTE OS SEGUINTES ALUMNOS: .......».
Neste texto expresaranse necesariamente os seguintes datos: a modalidade na que se participe; o curso ao que pertenza o grupo participante; o nome e os apelidos do profesorado que coordine; o nome, os apelidos e a idade de cada un dos integrantes do grupo de traballo; o nome do centro escolar, co enderezo, teléfonos de contacto e correo electrónico.
Aqueles traballos que incumpran algunha das bases establecidas quedarán automaticamente excluídos das deliberacións do xurado.
Os traballos dos participantes non gañadores poderán retirarse na sede do Parlamento de Galicia durante o prazo dun mes, contado a partir da data na que se faga pública a decisión do xurado encargado de resolver os premios.
6. XURADO
O xurado estará composto polos membros da Mesa do Parlamento, ou os deputados nos que deleguen, e por un docente proposto polo Parlamento de Galicia.
7. PREMIOS
Concederanse en cada modalidade dous premios: un primeiro premio para o grupo que resulte gañador, e un segundo premio ou premio finalista ao grupo que quede en segundo lugar.
Ademais concederase un premio á clase á que pertenza o grupo gañador, outro para o/a docente que supervisase o devandito grupo e outro ao centro educativo ao que pertenza ese grupo gañador.
7.1.  Contido dos premios:
a) Para os alumnos do grupo gañador:
– Concurso de debuxo/pintura: Nintendo DS, xogo sobre a arte de pintar e un lote de libros.
Concurso de redacción:  ordenador portátil e un lote de libros.
– Concurso de expresión libre: ordenador portátil e un lote de libros.
b) Para a clase do grupo gañador: excursión de carácter educativo para visitar un lugar significativo de Galicia, na data que decida o centro.
c) Para o/a profesor/a supervisor/a do traballo do grupo gañador: unha táboa dixital.
d) Para o centro educativo do grupo gañador: a cantidade de 2.000 euros para destinar á organización de actividades extraescolares ou actividades da biblioteca escolar, que será ingresada na conta bancaria que se indique. Estes premios non son acumulables, polo que os centros soamente poderán recibir o premio de 2.000 € con independencia das modalidades nas que poidan resultar premiados.
e) Para o grupo finalista: MP4 e un lote de libros.
Os alumnos e as alumnas que resulten premiados, acompañados do profesorado que coordinou a realización dos traballos, serán convidados a un acto no Parlamento de Galicia no que se entregarán os premios ás distintas categorías.
8. DEREITOS DE PROPIEDADE INTELECTUAL
O Parlamento de Galicia reserva para si o dereito a publicar en modo impreso, en soporte dixital e na súa páxina web, na súa totalidade ou en parte, os traballos premiados.
O Parlamento de Galicia reserva para si todos os dereitos de propiedade e uso dos traballos premiados, así como a posibilidade de darlles difusión por calquera medio.


20 jun 2011

Pilar Rojo: “A Galicia do mañá será moito mellor que a de hoxe” porque “os rapaces que rexerán o noso destino rebosan capacidade, inxenio e destreza”

• O Parlamento de Galicia acolleu a entrega dos  premios do seu concurso escolar, que rexistrou unha elevada participación con preto de 900 orixinais presentados
• Pilar Rojo constata que “malia os tópicos, sí é posible suscitar o interese dos máis novos polo traballo que se desenvolve nas institucións”

Santiago, 20 de xuño de 2011.- Os preto de 900 traballos presentados ao Concurso Escolar do Parlamento galego énchennos de orgullo porque “constatamos que a Galicia do mañá será moito mellor que a de hoxe” dado que “os rapaces que dentro de nada rexerán o noso destino rebosan capacidade de traballo, inxenio e destreza como quedou demostrado nos orixinais recibidos”. Son palabras da presidenta do Parlamento de Galicia, Pilar Rojo Noguera, no acto de entrega dos premios do Concurso Escolar 2010-2011, organizado pola Cámara Galega.
A xuízo da titular do lexislativo galego, a elevada participación rexistrada neste concurso (888 orixinais) permite constatar que “malia os tópicos de sempre, sí é posible suscitar o interese dos máis novos polo traballo que se desenvolve nas institucións”, pero tamén acredita a “enorme implicación do persoal docente”. “Sen o ánimo e o impulso do profesorado, esta elevada participación non tería sido posible”.

Cultivar o interese dos máis novos polo Parlamento
Nesa estratexia, “cultivar o interese dos máis novos polo que aquí se fai é unha condición imprescindible para incrementar esa proxección que todos arelamos”.

Na súa intervención, a presidenta do Parlamento tivo verbas de agradecemento para a Consellería de Educación que asesorou ao Parlamento na posta en marcha do concurso. Pero agradeceu tamén o traballo desenvolvido polo persoal da Cámara e polos membros do Xurado, por ter afrontado con éxito esta tarefa.

Pilar Rojo rematou facilitando aos galardoados e a toda a comunidade educativa de Galicia, á que animou a “continuar transitando por esta senda- a da educación, no sentido máis amplo- que nos conduce a unha Galicia mellor para todos”.

GAÑADORES E FINALISTAS
Os seleccionados foron os seguintes:

CONCURSO DE DEBUXO:
Alumna gañadora: NOELIA TINOCO LACOMBA (doc. núm. 64483)
• Centro escolar: Escola Rosalía de Castro. Vigo. Pontevedra.
• Clase: 4º B de primaria
• Profesor que supervisou á gañadora: D. José Manuel Carnero González

Alumna finalista: CLARA FERNÁNDEZ CASÁS (doc. num. 64348.1) (alumna de 4º de primaria no CEIP Raquel Camacho. A Coruña)

CONCURSO DE REDACCIÓN:
Alumno gañador: DANIEL VICENTE GUTIÉRREZ SALVADOR (doc. núm. 64510.8)
• Centro escolar: IES Ánxel Fole. Lugo
• Clase: 2º da ESO
• Profesora que supervisou ao gañador: D.ª Carme Millares Fernández

Alumna finalista: IRENE LÓPEZ GONZÁLEZ (doc. núm. 64471)(alumna de 2º da ESO no CPR La Merced. Sarria. Lugo)

CONCURSO DE EXPRESIÓN LIBRE:
Alumnos gañadores: LARA RUBAL OTERO, CRISTIAN VIZCAÍNO RODRÍGUEZ E PATRICIA MARTÍNEZ PAZ  (doc. núm. 64518.1)
• Centro escolar: IES San Rosendo. Mondoñedo. Lugo.
• Clase: 3º B da ESO
• Profesora que supervisou aos gañadores: D.ª Amparo Bermúdez González

Alumna finalista: RAQUEL FERNÁNDEZ BARREIRO (doc. núm. 64401.15)(alumna de 4º da ESO no CPI Covaterreña. Baiona. Pontevedra).

Finalmente, o Xurado propón unha mención especial para os seguintes alumnos:
  ÁLVARO PAZOS FERNÁNDEZ (doc. núm. 64554.2)(alumno de 2º ciclo no Centro de Educación Especial Saladino Cortizo. Vigo)

  SARA PEDRIDO GARCÍA (doc. núm. 64552.17) (alumna no Centro de Educación Especial Príncipe Felipe. Pontevedra)

10 jun 2011

Estudantes de Vigo, Lugo e Mondoñedo, gañadores do Concurso Escolar do Parlamento de Galicia

- Os finalistas están escolarizados en centros da Coruña, Sarria e Baiona

- O xurado propuxo unha mención para dous alumnos de educación especial

- Os premios entregaranse o vindeiro 20 de xuño no Parlamento

- A presidenta do Parlamento agradece o esforzo desenvolvido polos membros do Xurado, que para seleccionar aos gañadores tiveron que revisar 888 traballos pertencentes a 52 centros educativos

Santiago, 10 de xuño de 2011.- O xurado encargado de seleccionar aos gañadores do Concurso Escolar 2010-2011 convocado polo Parlamento de Galicia seleccionou, por unanimidade, aos gañadores e finalistas de cada unha das tres modalidades, –debuxo, redacción e expresión libre- , ademais de propoñer unha mención especial para dous alumnos de educación especial.

Os gañadores están escolarizados en centros educativos de Vigo, Lugo e Mondoñedo, mentres que os finalistas cursan estudos na Coruña, Sarria e Baiona. Os alumnos de educación especial que recibiron unha mención especial  pertencen a centros de Vigo e Pontevedra.

A entrega dos premios terá lugar o vindeiro día 20 de xuño, luns, no Parlamento de Galicia, nun acto ao que ademais dos gañadores e finalistas, se convidará á clase de cada un dos galardoados, aos profesores que supervisaron os traballos seleccionados e aos directores dos centros.

Agradecemento ao xurado

O Xurado encargado se seleccionar os traballos estivo presidido polo vicepresidente primeiro do Parlamento, José Manuel Baltar Blanco; pola presidenta da Comisión 4ª, Educación e Cultura, Marisol Piñeiro; polos portavoces de Educación dos tres grupos parlamentarios, Román Rodríguez (PPdeG), Guillermo Meijón (PSdeG-PSOE) e Carme Adán (BNG), así como polo docente Jose Manuel Rosales Noves.

A presidenta do Parlamento de Galicia, Pilar Rojo Noguera, agradece o esforzo desenvolvido polos membros do xurado, que revisaron cada un dos 888 traballos presentados ao concurso.

Esta elevada cifra de participación certifica, en opinión de Rojo Noguera, que sí é posible suscitar o interese dos máis novos polas institucións que articulan o sistema democrático e o autogoberno de Galicia.

Os 888 participantes nesta edición do Concurso Escolar do Parlamento están escolarizados en 52 centros educativos. Destes, 21 pertencen á provincia da Coruña, 9 á de Lugo, 5 á de Ourense, e 17 á de Pontevedra.

GAÑADORES E FINALISTAS

Os seleccionados foron os seguintes:

CONCURSO DE DEBUXO:

Alumna gañadora: NOELIA TINOCO LACOMBA (doc. núm. 64483)

·        Centro escolar: Escola Rosalía de Castro. Vigo. Pontevedra.
·        Clase: 4º B de primaria
·        Profesor que supervisou á gañadora: D. José Manuel Carnero González

Alumna finalista: CLARA FERNÁNDEZ CASÁS (doc. num. 64348.1) (alumna de 4º de primaria no CEIP Raquel Camacho. A Coruña)

CONCURSO DE REDACCIÓN:

Alumno gañador: DANIEL VICENTE GUTIÉRREZ SALVADOR (doc. núm. 64510.8)
·        Centro escolar: IES Ánxel Fole. Lugo
·        Clase: 2º da ESO
·        Profesora que supervisou ao gañador: D.ª Carme Millares Fernández

Alumna finalista: IRENE LÓPEZ GONZÁLEZ (doc. núm. 64471)(alumna de 2º da ESO no CPR La Merced. Sarria. Lugo)

CONCURSO DE EXPRESIÓN LIBRE:

Alumnos gañadores: LARA RUBAL OTERO, CRISTIAN VIZCAÍNO RODRÍGUEZ E PATRICIA MARTÍNEZ PAZ  (doc. núm. 64518.1)
·        Centro escolar: IES San Rosendo. Mondoñedo. Lugo.
·        Clase: 3º B da ESO
·        Profesora que supervisou aos gañadores: D.ª Amparo Bermúdez González

Alumna finalista: RAQUEL FERNÁNDEZ BARREIRO (doc. núm. 64401.15)(alumna de 4º da ESO no CPI Covaterreña. Baiona. Pontevedra).

Finalmente, o Xurado propón unha mención especial para os seguintes alumnos:

     ÁLVARO PAZOS FERNÁNDEZ (doc. núm. 64554.2)(alumno de 2º ciclo no Centro de Educación Especial Saladino Cortizo. Vigo)


     SARA PEDRIDO GARCÍA (doc. núm. 64552.17) (alumna no Centro de Educación Especial Príncipe Felipe. Pontevedra)